राष्ट्रिय जनमुक्ति पार्टीको सुनसरी सम्पर्क कार्यालय भवन करिव २८ लाख रुपियांको लागतमा निर्माण भएको हो । भवनको लागि संबिधान सभासद तथा पार्टी केन्द्रिय सदस्य श्रीमती छियामा राईले करिव १६ लाख रुपियां पर्ने पांच आना जमिन घडेरी स्वरुप प्रदान गर्नु भएको थियो भने राजमुपाका स्थानीय शुभेच्छुकहरुले १२ लाख रुपियां प्रदान गरेका थिए ।

यसका लागि राजमुपा केन्द्रिय समितिले जम्मा २० हजार रुपियां प्रदान गरेको थियो । नवनिर्मित सो एक तले भवनमा एक सभा कक्ष र तीन कार्यालय कक्ष छन् ।

राजमुपाका अध्यक्ष संविधानसधासद् एम।एस। थापाले हालै एक समारोह बीच सो भवनको उदघाटन गर्नु भएको थियो । भवन निर्माणमा सहयोग पुर् याउनुहुने सबैलाई अध्यक्ष थापाले पार्टी केन्द्रीय समितिको तर्फबाट धन्यवाद ज्ञापन गरेका थिए ।

समारोहमा राजमुपाको बैकल्पिक केन्द्रिय सदस्य हस्तबहादुर थापाले नवप्रवेशी कार्यकर्ताहरुले गोरखा जिल्लामामा मात्र हैन समग्र देशमा नै राजमुपालाई बलियो बनाएको र यसबा६ कार्यकर्ताहरुल् पनि मुक्तिको सही बाटो पाएको बताउनुभयो ।

पर्टीका जिल्ला उपाध्यक्ष नन्दबहादुर बाटेले सभापतित्व गर्नु भएको सो समारोहमा स्थानीय नेताहरु रेशमलाल थापा बलबहादुर गरंजा र तुलबहादुर थापाले पनि स्थानीय समस्या र समसामयिक राजनीति बारे मन्तब्य दिनुभएको थियो ।