राष्ट्रिय जनमुक्ति पार्टी
केन्द्रिय समिति



प्रेस वक्तव्य

राष्ट्रिय जनमुक्ति पार्टीका अध्यक्ष तथा सभासद एमएस थापा मगर ज्यूको अध्यक्षतामा २०६७ कार्तिक २८-३० सम्म पार्टी केन्द्रिय कार्यालय ललितपुरमा सम्पन्न केन्द्रिय बैठकले राष्ट्रिय चासोको विषयमा लिएको निर्णयहरु यस प्रेस वक्तव्यमार्फत सार्वजनिक गरिएको छ ।

१ सरकार गठन सम्बन्धमा

मुलुकलाई सरकार विहिनताको अवस्थाबाट तुरुन्त मुक्त गर्ने प्रकृयामा जानको लागि हालको प्रधानमन्त्री निर्वाचन प्रकृया रद्द गरिनुपर्दछ । यसको विकल्पमा व्यवस्थापिका संसदमा रहेका सबै दलहरुका संयुक्त सरकार गठन गर्ने प्रकृया सभामुखद्वारा अगाडि बढाउने र सरकारको नेतृत्व सबै दलबाट अध्यक्ष मण्डलीय प्रणाली अनुसार संचालन गर्ने व्यवस्था अविलम्ब गरिनुपर्दछ ।

२ मतदाता नामावली संकलनबारे

निर्वाचन आयोगद्वारा हाल संचालन गरिएको मतदाता नामावली संकलन सम्बन्धी कार्य देशको नयाँ संविधान जारी नहुँदासम्मको लागि अविलम्ब बन्द गरिनुपर्दछ ।

३ माओवादी लडाकुबारे

माओवादी लडाकुको व्यवस्थापन प्रकृयालाई अविलम्ब टुङ्गोमा पुर् याउनु पर्दछ ।

४ विदेशी हस्तक्षेपबारे

विभिन्न बहाना बाजीले नेपालमा भईरहेको विदेशी हस्तक्षेपको घोर निन्दा तथा भत्स्रना गर्दै यस प्रकारको हस्तक्षेपहरु तत्काल बन्द गरियोस भन्ने चाहान्छौं ।

५ अनमिनबारे

अनमिनको आगमन र बहिर्गमनको औचित्यबारे सम्बन्धित पक्षहरुले यथाशिघ्र आफ्नो संस्थागत धारणा सार्वजनिक गरिनुपर्दछ ।

६ जिम्मेवारी र जवाफदेखिताबारे

देशलाई लामो समयदेखि सरकार विहिनताको अवस्थामा राखिएको कारणले बढन गएको हत्या हिँसा अशान्ति भ्रष्टाचार महँगी दण्डहिनता र राष्ट्रिय रुपमा हुन गएको आर्थिक क्षतिको मुल जिम्मेवारी जवाफदेहिता प्रधानमन्त्री निर्वाचनमा निरन्तर तटस्थ बस्दै आएका नेकपा एमाले र मधेशवादी दलहरुले नै लिनुपर्ने हाम्रो ठहर छ ।

२०६७ मंसिर २ गते
बयानसिँ राई
महासचिव
राष्ट्रिय जनमुक्ति पार्टी